BDI sot ka akuzuar pushtetin për nivelin e lartë të ajrit të ndotur në Maqedoninë e Veriut.
Nga atje thonë se Shkupi dhe Tetova janë këto ditë në krye të listës së qyteteve më të ndotura në botë, duke kaluar edhe Mumbai-n dhe Wuhan-in.
“Ajri është i mbushur me helm, fëmijët kanë vështirësi në frymëmarrje, të moshuarit po përkeqësohen nga sëmundjet kronike, dhe qytetarët janë të detyruar të jetojnë në kushte të papranueshme për shëndetin e tyre.
Ndërkohë, ministrat e paaftë dhe të papërgjegjshëm vazhdojnë të merren me propagandë dhe justifikime boshe, duke fajësuar qeverinë e mëparshme në vend që të ofrojë zgjidhje.
Nuk kanë asnjë plan, asnjë masë konkrete, vetëm fjalë dhe arsyetime të lodhura, ndërsa njerëzit po mbyten nga ndotja!
Fajtorë të drejtpërdrejtë për këtë situatë janë politikanë që kanë tradhtuar çdo fjalë dhe premtim, individë të refuzuar nga votuesit, por të zgjedhur në bodrumet e nëntokës politike.
Ata nuk përfaqësojnë vullnetin e qytetarëve, por vetëm interesat e errëta që i sollën në pushtet”, thonë nga BDI.
BDI paralajmëron se kjo situatë është e patolerueshme./Telegrafi/
BDI: Qytetarët po mbyten nga ndotja, Qeveria merret me politikë partiake appeared first on Telegrafi.
