Ministri i Transportit dhe Lidhjeve, Aleksandar Nikollovski, i bëri thirrje Prokurorisë Publike që të përfundojë punën e saj, të veprojë për të gjitha rastet që kanë të bëjnë me kryetarin aktual të Komunës së Strugës, Ramiz Merko, si dhe me zyrtarë të tjerë, për të cilët siç ai thotë, ai vetë ka dërguar gjetjet përkatëse.
Tetë raste janë aktualisht aktive kundër Merkos. Disa prej tyre tashmë janë në gjykim në Gjykatën Themelore në Strugë.
“Deri kur do të tolerohet kryetari i Strugës? Prej vitesh funksionojnë plazhe të egra dhe pa marrëveshje koncesionare? Kjo është një pyetje e madhe për Prokurorinë. I bëj thirrje Prokurorisë Publike të veprojë. Deri më tani si ministër kam dërguar më shumë se 15 lëndë në Prokurorinë Publike. Shpresoj se ata kanë nevojë për kohë për t’i zgjidhur ato. Për zyrtarë të ndryshëm nga niveli më i ulët deri tek ai më i lartë. Në Strugë ka hetime aktive dhe ato duhet t’i kryejë Prokuroria Publike dhe shpresoj që ata që bëjnë kundërvajtje të shkojnë në gjykatë dhe të dënohen”, tha Nikolloski.
Më 28 nëntor Merko do të dalë para gjykatës për emërimin e paligjshëm të drejtorëve në shkollat fillore.
Ish-ministri i Arsimit Jeton Shaqiri duhet të paraqitet si dëshmitar Procesi gjyqësor është aktiv edhe për Merkon, për blerjen e veturës luksoze, në kohën kur komuna e kishte bllokuar llogarinë./Telegrafi/
Nikolloski: Në Strugë funksionojnë plazhet e egra, deri kur do të tolerohet Merko? appeared first on Telegrafi.