Shteti nuk ka një analizë për sulmet kibernetike dhe për rreziqet dhe ndjeshmërinë e vlerësuar të institucioneve. Nuk ka të dhëna sepse nuk ka mekanizëm raportues për raste të tilla, përcjell Telegrafi Maqedoni.
“Kemi trashëguar një situatë të vështirë në të cilën problemi më i madh është mungesa e një informacioni të tillë. Ky është pikërisht lloji i analizës që ne parashikojmë me mjetin e monitorimit të incidentit dhe kërcënimit, i cili jo vetëm do të analizojë se sa po ndodh, por gjithashtu do të na bëjë të ditur se çfarë kalibri janë, në çfarë niveli janë, sepse ka kërcënime dhe incidente gjithë kohën.
Disa janë për shkak të gabimit të punonjësve për shkak të nivelit të ulët të higjienës kibernetike, disa janë për shkak të klikimit në lidhjen e gabuar që u është dërguar, ato sulme phishing, të tjera janë sulme të mëdha që ndodhin tendencë, qëllimisht kundër institucionit, kështu që ende nuk kemi të dhëna sepse nuk ka mekanizëm për raportimin e rasteve”, tha ministri i transformimit digjital, Stefan Andonovski, duke iu përgjigjur pyetjes së gazetarit në konferencën për media kushtuar miratimit të Strategjisë Kombëtare të Sigurisë Kibernetike 2024-2028.
Ai pret që me miratimin e strategjisë të kemi, siç tha, detyra të sakta që secili institucion të raportojë kur i ndodh ndonjë incident dhe të monitorohet në kohë reale./Telegrafi/
Andonovski: Shteti nuk ka ndonjë analizë për sulmet kibernetike appeared first on Telegrafi.
