Ekipi i Kosovës është nisur nga Valencia në orën 7:30 të mëngjesit të së premtes, pas katër ditësh i bllokuar në këtë qytet për shkak të përmbytjeve shkatërruese që goditën rajonin të martën.
Deri tani, largimi nga Valencia ka qenë i pamundur, pasi qyteti ka qenë plotësisht i bllokuar dhe linjat e transportit urban dhe ndërurban kanë qenë jashtë funksionit, raporton televizioni publik.
Aeroporti dhe linjat tokësore ishin të bllokuara, ndërsa raportohet se mbi 150 persona kanë humbur jetën dhe dhjetëra të tjerë janë ende të zhdukur.
Ekipit të Kosovës i është dashur të gjejë rrugë alternative për t’u kthyer, duke fluturuar përmes destinacioneve të ndryshme, si Vjena, Stambolli, Tirana dhe Shkupi.
Bëhet fjalë për ekipin e Auto Sportit të Kosovës.
Ekipi i Kosovës ka marrë pjesë në njërën prej garave më të mëdha botërore “FIA Motorsport Games”, të mbajtur në Valencia të Spanjës.
Ekipi i Kosovës largohet nga Valencia pas katër ditësh bllokimi / shkruan Gazeta Online Reporteri.net.
