Drejtori i QKM-së, Stojançe Angellov, informon se momentalisht fokusi është në malin Serta, ku digjet prej ditësh. Në anën Negotinës, në afërsi të fshatit Kaljanjevë, nuk ka djegie, por po bëhen kontrolle.
Në pjesën tjetër të Sertës, rreth poligonit Krivollak, gjithashtu nuk ka djegie aktive, por monitorohet nga dy helikopterë vendas.
Në pjesën e tretë të Sertës, në anën e Shtipit mbi fshatrat Dragoevë dhe Sellcë, janë vërejtur dy pika zjarri, të cilat po sulmohen me avionë. Gjithashtu janë dërguar helikopterët malazezë dhe serb.
“Kemi kontroll absolut të zjarrit në Serta, falë shiut ai është shuar në masë të madhe. Të mos lejojmë më shpërthim”, njofton Angellov.
Sipas Angellovit, zjarr i fortë ka edhe në afërsi të Manastirit, rrëzë Pelisterit, ku po vepron një “kanaderi” dhe në orën 10:00 do t’i bashkohen edhe dy “air-tractor” të DMSH-së./Telegrafi/
Angellov: Falë edhe shiut, kemi kontroll absolut mbi zjarrin në malin Serta appeared first on Telegrafi.