Një e moshuar ka humbur jetën si pasojë e një aksidenti të ndodhur mëngjesin e sotëm në Gjepalaj të Durrësit.
Policia thotë se ngjarja ka ndodhur rreth orës 08:40.
“Shtetasi K. K., 23 vjeç, duke dalë nga banesa me automjet ka aksidentuar në rrugë këmbësoren, shtetasen M. K., 76 vjeçe, e cila si pasojë ka humbur jetën”, thuhet në njoftim.
Grupi hetimor ndodhet në vendngjarje dhe po punon për sqarimin e rrethanave të aksidentit./vizionplus.tv
