Era e keqe e këmbëve mund të jetë diçka shqetësuese dhe e sikletshme, sidomos në praninë e njerëzve të tjerë.
“Era e këmbëve shkaktohet nga djersa ose lagështia”, tregon Jacqueline Sutera, pediatre e çertifikuar në New York dhe New Jersey.
Ajo vazhdon duke shpjeguar se era e keqe vjen si rezultat i kombinimit të baktereve, kërpudhave dhe mykut.
Ju sugjerojmë disa hapa për të identifikuar shkakun dhe si të largoni erën e keqe të këmbëve.
“Mikrobet që shkaktojnë aromë, lulëzojnë në hapësira të errëta dhe të lagështa. Kjo gjë që i bën çorapet dhe këpucët tuaja ambiente ideale”, thotë Dr. Sutera.
Një lloj specifik i baktereve, Brevibacterium, është përgjegjës për erën e këmbës të shkaktuar nga veshja e këpucëve të ngushta. Duke bërë që këmbët tuaja të vijnë erë të rëndë.
Ndërsa një lloj tjetër bakteresh, i quajtur Propionibacterium, ushqehet me djersën tuaj duke shkaktuar atë aromë të pakëndëshme.
Prandaj përpiquni të shmangni veshjen e këpucëve pa çorape sepse ato shërbejnë si një pengesë dhe thithin lagështinë. Gjithashtu mos vishni të njëjtën pale çorape çdo ditë.
Nëse këpucët tuaja vijnë ende erë të keqe, spërkatni pjesën e brendshme me një lëndë antibakteriale për të asgjësuar bakteret.
E nëse as kjo nuk funksionon! Atëherë ka ardhur koha t’i hidhni ato.
Prania e kërpudhave është një nga infeksionet më të zakonshme, që bën këmbët tuaja të vijnë erë të rëndë.
Disa nga shenjat e këtij infeksioni mund të jenë:
Kërpudhat janë ngjitëse dhe mund të përkeqësohen nëse nuk trajtohen. Prandaj këshillohet t’i drejtoheni mjekut tuaj.
Gjithashtu duhet të trajtoni këpucët tuaja me një llak këpucësh antifungale, përndryshe ju do të rimerrni infeksionin nga këpucët.
Këmbët kanë një sasi shumë të përqendruar të gjëndrave të djersës.
Stresi apo ankthi, mund të rrisë sekretimin e djersës në këtë pjesë të trupit, duke shkaktuar lagështi.
Dhe lagëshita është ambjenti përfekt ku rriten bakteret përgjegjëse për erën e keqe.
Ju mund provoni të punoni me disa teknika se si të largoni stresin, si frymëmarrja e thellë, meditimi ose joga.
Përveç këshillave të përmendura më lart, ka disa gjëra që mund të provoni për të parandaluar erë e keqe të këmbëve.
