Rektori i Universitetit të Tetovës, Jusuf Zejneli njofton se UT ka nënshkruar marrëveshje bashkëpunimi me universitetin e Sam Houston të Teksasit -SHBA.
Kemi lajm jashtëzakonisht të veçantë për studentët tanë, për stafin, ku konkretizojmë bashkëpunim në shumë sfera, por kryesisht sigurimi, garantimi i bursave për studentët e Universitetit të Tetovës.
Është një ndodhi e jashtëzakonshme, me këtë rast dua t’i përgëzojë të gjithë studentët tanë për këtë mundësi që u jepen, dhe se në vazhdim do të shikojmë të gjitha mundësitë dhe detajet e realizimit të saj”, tha Zejneli.
Zejneli ka falënderuar komunitetin shqiptar në Teksas të cilët do tu gjenden në ndihmë studentëve tanë./Telegrafi/
