Kryetari i Partisë Demokratike Shqiptare, Menduh Thaçi, deklaroi në TëVë1 se politikanët që dolën nga partia e tij për ta luftuar Bashkimin Demokratik për Integrim, përfunduan në fund në BDI.
“Shumë Taravara e Ziadina kanë dal nga PDSH-ja për ta mund BDI-në, sot kanë përfunduar në BDI. Ku janë sot Arben Taravari dhe Ziadin Sela? Ata kanë bërë një manipulim kapital gjatë njëzet viteve, jo vetëm këta dy”, tha Thaçi.
Thaçi përmendi se edhe BDI dikur është bërë pjesë e qeverisë edhe pse kishte më pak vota se opozita e dikurshme.
“BDI-ja ka harruar se në 2-3 herë zgjedhje parlamentare me më pak vota janë bërë pjesë e qeverisë. Kur? Në vitin 2011. Këto çështje janë publike, nuk është gënjeshtër. Në vitin 2011, BDI-ja ka pasur shumë më pak vota sesa opozita shqiptare në zgjedhje. Kam harruar, ishin 15.000 ose 20.000. Në vitin 2016, BDI-ja ka pasur 84.000 vota, ne dhe BESA dhe Ziadini, kemi pasur 115.000. BDI-ja u fut në qeveri, pa legjitimitetin e shqiptarëve, pa numrin më të madh të votave të shqiptarëve. Dhe kjo na çon të gjithëve, ku sigurisht një pjesë të përgjegjësisë dhe fajin e mbaj edhe unë dhe PDSH-ja, në theqafje politike, dhe atë që ju e thatë jo fshesë, por më keq se fshesë politike”, tha Thaçi.
Thaçi: Politikanët që dolën nga PDSH-ja që ta mundin BDI-në, në fund vet përfunduan tek BDI-ja appeared first on Telegrafi.
