Policia e rajonit të Manastirit ka dorëzuar kallëzim penal kundër S.G. (54) nga Prilepi dhe S.I. (31) nga Krusheva. Të njëjtit dyshohet se kanë mashtruar dhe kanë marrë nga një grua e moshuar 72,500 denarë.
“Më 25.08.2025, në Manastir, të raportuarit e mashtruan një grua 88-vjeçare nga Manastiri, duke e njoftuar me telefon dhe duke u prezantuar rrejshëm se djali i saj kishte shkaktuar një aksident rrugor ku ishte përplasur një fëmijë 8-vjeçar, dhe se djali i saj dhe bashkëshortja e tij ishin lënduar. Ata i thanë se nëse dëshiron ta shpëtojë djalin nga ndjekja penale, duhet t’u japë 72.500 denarë”.
“Pasi morën paratë, të raportuarit ikën, ndërsa viktima më vonë kuptoi se ishte mashtruar. Menjëherë pas marrjes së kallëzimit, u ndërmorën masa dhe aktivitete të përshtatshme dhe mashtruesit u gjetën dhe u arrestuan, dhe më pas u dorëzua kallëzim penal ndaj tyre”, thonë nga MPB.
