Një zyrtar policor, i punësuar në Departamentin e sigurisë së Kuvendit, drejtonte automjet pa leje për vozitje. Ndaj tij është ngritur kallëzim penal dhe automjeti i tij është konfiskuar.
“Departamenti për Kontroll të Brendshëm, Hetime Penale dhe Standarde Profesionale në Ministrinë e Punëve të Brendshme ka ngritur kallëzim penal kundër A.B. në Prokurorinë Themelore Publike në Shkup, për shkak të ekzistencës së dyshimeve të bazuara për kryerjen e veprës penale “drejtim i pakujdesshëm i automjetit motorik” sipas nenit 297-a të Kodit Penal”.
“I kallëzuari A.B., oficer policie në Departamentin e Sigurisë së Kuvendit të Republikës së Maqedonisë, Sektori për Sigurinë e Objekteve me Interes Shtetëror pranë Departamentit për Mbrojtjen e Personave dhe Objekteve të Caktuara, më 12.02.2026 në rrugën “11 Tetori” në Shkup, drejtonte automjetin e tij personal të pasagjerëve “BMW” pa provim të kaluar për vozitje, pra pa patentë shoferi, dhe me urdhër të prokurorit publik automjeti është sekuestruar”, njoftoi MPB.
Departamenti për Kontrollin e Brendshëm, Hetimet Penale dhe Standardet Profesionale ka paraqitur propozim për të filluar procedurë për përcaktimin e përgjegjësisë disiplinore kundër A.B.
