Partnerët e hershëm të koalicionit LSDM dhe BDI, ndërsa ishin në pushtet së bashku, i mbushën gjykatat me njerëzit e tyre të besuar. Dhe këta njerëz, të zgjedhur në selinë në Strumicë dhe Zajaz në gjyqësor, e shpëtuan Venko Filipçen nga përgjegjësia për zjarrin në spitalin modular, akuzojnë nga OBRM-PDUKM.
Nga atje thonë se Filipçe, si ministër i Shëndetësisë, nënshkroi specifikimin për spitalin modular në Tetovë dhe është përgjegjës direkt për vdekjen e 14 personave.
“Për shkak se bëri anekse kontratash për të fituar 20% më shumë para, 14 persona u dogjën të gjallë në spitalin modular në Tetovë, dhe për këtë nuk u thirr as për intervistë në prokurori.
Nëse gjyqësori dhe prokuroria jonë nuk do të ishin në prehrin e Zaevit dhe Ahmetit, Filipçe do të kishte qenë pas hekurave deri tani, në fakt, si në çdo vend me organe të pavarura gjyqësore dhe prokuroriale. Por, megjithatë, jemi në Maqedoni, ku gjyqtarët me 2% besim nga qytetarët duhej të justifikonin emërimet e tyre dhe ta shpëtonin Filipçen nga përgjegjësia”, thonë nga atje./Telegrafi/
