Nesër do të nisë viti i ri shkollor për 245 mijë nxënës, prej të cilëve 177 e 800 filloristë dhe 67 e 200 nxënës të shkollave të mesme.
Ministrja e Arsimit dhe Shkencës, Vesna Janevska tha se nxënësit ky vit do t’i gjejë me kushte më të mira për mësim, teksa shtoi se janë shpërndarë dhe librat.
“Viti i dytë shkollor me radhë fillon me tekste shkollore për të gjithë nxënësit. Ka tekste shkollore krejtësisht të reja për klasën e shtatë në arsimin fillor dhe për vitin e parë në shkollat e mesme, për shkak të zbatimit të kurrikulave të reja, dhe unë njoftoj se ky proces i ripërtëritjes së përmbajtjes mësimore do të ketë vazhdimësi. Për herë të parë në shtatë vjet, nxënësit do të marrin edhe tekste shkollore në gjuhë të huaja – anglisht, frëngjisht, gjermanisht dhe italisht”, tha Janevska.
Janevska tha se nga ky vit fillon dhe zbatimi i ditarit të ri elektronik me performanca më të mira nga i kaluari e poashtu shtoi se në shkollat fillore do të ketë 1,346 asistentë ndërsa për nxënësit e shkollave të mesme me nevoja të veçanta arsimor do të angazhohen 130 asistentë.
“Inteligjenca artificiale po hyn në mësimdhënie. Kam kënaqësinë të ndaj me ju se është përgatitur një manual gjithëpërfshirës për edukimin si të mësuesve ashtu edhe të nxënësve, me udhëzime të qarta për përdorimin etik dhe efikas të mjeteve të reja teknologjike për qëllime arsimore. Nxënësit do të informohen për përfitimet nga inteligjenca artificiale dhe do të mësohen ta përdorin në mënyrë etike”, deklaroi Janevska.
Nesër fillon viti i ri shkollor për 245 mijë nxënës, Janevska: Intelegjenca Artificiale po hyn në mësimdhënie appeared first on Telegrafi.
