Ministri i Punëve të Jashtme, Timço Mucunski ka komentuar deklaratën e kreut të LSDM-së për bllokimin e eurointegrimit të vendit nga qeveria aktuale.
“Nga ne nuk do të dëgjoni një gjë para kamerës, ndërsa tjetër gjë pas dyerve të mbyllura. Ky është thelbi i besimit, të jemi të njëjtë edhe në fjalë edhe në vepra. Këtu është edhe kontradikta më e madhe te Venko Filipçe: nga njëra anë flet për ndryshime kushtetuese, nga ana tjetër për anulimin e bisedimeve nëse ka veto të re. Një qasje e tillë nuk sjell siguri, por pasiguri për drejtimin në të cilin duhet të ecë shteti”, tha Mucunski.
“Gjatë viteve të kaluara pamë çka do të thotë politikë në veprime të shpejta dhe premtime boshe. LSD dhe BDI me çdo premtim hapnin shpresë, ndërsa me çdo presion e shkatërronin atë shpresë. Dokumentet e përbashkëta të cilat miratoheshin në Kuvend nuk sollën forcë, por dobësi – ishin përjashtuar menjëherë sapo paraqitjen ndonjë sfidë. Rruga jonë është e ndryshme. Punojmë në zgjidhje të cilat sjellin përparim të qëndrueshëm – jo në bllokada të cilat përsëriten. Më mirë është të tregojmë durim dhe mençuri, se sa të bëjmë veprim i cili nesër do të jetë barrë edhe më e madhe për shtetin. Kjo është qasje e një burrështetasi: të mendojmë për të sotmen, të nesërmen dhe të pasnesërmen”, theksoi Mucunski.
Ai shtoi se dallimi qëndron në atë që për pushtetin aktual e ardhmja evropiane nuk është frazë boshe.
Mucunski: LSDM dhe BDI kishin premtime boshe për integrimin e vendit në BE, duhet të tregojmë durim që të mos kemi bllokada që përsëriten appeared first on Telegrafi.
