Ministria e Shëndetësisë, në bashkëpunim me Klinikën e Pulmologjisë, po realizon një skrining dyditor të popullatës në Trubarevë, i cili filloi dje.
Sipas të dhënave fillestare nga terreni, në ditën e parë janë kontrolluar gjithsej 111 persona në dy pika – 56 persona në Pikën 1 dhe 55 persona në Pikën 2.
“Gjendja shëndetësore e pacientëve është përgjithësisht e mirë, por tek 11 persona është konstatuar prania e irritimeve dhe shqetësimeve në fyt, për çka ata janë dërguar për ekzaminime shtesë në Klinikën e Pulmologjisë. Skriningu përfshin kontroll klinik, matje të pulsit, saturimit dhe vlerësim të kapacitetit vital”.
“Ministria e Shëndetësisë dhe Klinika e Pulmologjisë vazhdojnë edhe sot me skriningun në Trubarevë, me qëllim të zbulimit në kohë të problemeve të mundshme shëndetësore dhe përmirësimit të shëndetit publik”, thonë nga MSH.
