Me Rezolutën jokushtetuese, OBRM-PDUKM-ZNAM duan të shtypin demokracinë dhe lirinë e fjalës në Maqedoni, akuzojnë sot nga LSDM.
“Qëllimi është të përpiqen me çdo kusht të heshtnin opozitën nga të folurit për temën e emigrantëve dhe marrëveshjen e tyre. Me ndalime dhe kërcënime për akuza penale, nuk do të ketë debat për atë që ata kanë rënë dakord fshehurazi larg syrit të publikut”, thonë nga LSDM.
LSDM, theksojnë nga atje, nuk do ta lejojë këtë.
“Së bashku me qytetarët dhe partitë politike të opozitës, po hapim një front për drejtësi. Hapi i parë do të jetë një peticion në Gjykatën Kushtetuese për shkatërrimin e rendit kushtetues, të cilin do ta paraqesim sot.
Rezoluta tradhtare është në kundërshtim me Kushtetutën në fushën e lirive dhe të drejtave themelore të njeriut, që është liria e shprehjes dhe veprimit politik.
Së bashku me qytetarët, Fronti për Drejtësi do të luftojë për Maqedoninë, për liri dhe demokraci me të gjitha mekanizmat demokratikë”, shtojnë nga LSDM./Telegrafi/
