Skriningu i kërkuar nga LSDM, pas zjarrit në Trubarevë, konfirmoi edhe një herë se Qeveria e OBRM-PDUKM gënjeu se ajri nuk ishte i ndotur. Analizat konfirmuan – 18 qytetarë ishin të ekspozuar ndaj substancave të dëmshme me pasoja reale shëndetësore, pikërisht nga niveli i lartë i ndotjes së ajrit. Kjo është një katastrofë e shëndetit publik, akuzojnë nga LSDM.
“Qeveria e OBRM-PDUKM-së me vetëdije gënjeu dhe i la njerëzit të helmoheshin. Sa njerëz të tjerë duhet të sëmuren që qeveria të pranojë se kishte gabuar? Kjo qeveri është përgjegjëse drejtpërdrejt për helmimin e njerëzve në Trubarevë dhe zonën përreth. Ata gënjejnë se ajri vetëm dukej i ndotur, nuk ishte alarmante. Të dhënat zyrtare që u publikuan vetëm gjashtë ditë pas zjarrit tregojnë një tejkalim pothuajse dymbëdhjetëfish të kadmiumit (59.1 ng/m³ krahasuar me 5 të lejuara), vlera të rritura të arsenikut dhe plumbit.
Në vend të reagimit në kohë, parandalimit dhe kujdesit për shëndetin e qytetarëve, qeveria zgjodhi të gënjejë dhe minimizojë, të përpiqet të mbulojë dëmin me ekrane PR, me disa sulme hibride.
E vërteta doli në dritë – ka njerëz të sëmurë, ka viktima të pakujdesisë dhe mosveprimit të qeverisë së OBRM-PDUKM-së. LSDM ka paralajmëruar për javë të tëra se nevojiten veprime urgjente, shqyrtime dhe evakuim. OBRM-PDUKM jo vetëm që nuk i mbrojti qytetarët, por i vunë në rrezik, rrezikuan shëndetin e tyre. Dhe për këtë duhet të ketë përgjegjësi”, thonë nga LSDM.
Nga atje kërkojnë llogaridhënie të menjëhershme politike dhe institucionale nga të gjithë ata që janë në pushtet dhe nuk vepruan në kohën e duhur, si Ministri i Shëndetësisë, Ministri i Brendshëm, Drejtori i QMK-së./Telegrafi/
